1 marzo 2008
352/122 - s. 245/118°
Zang Tumb Tumb
Sonador pì che raro de vioin,
astronomo, forzuto, karateka
co ’a franza drita a formarghe un frontin
che de continuo el metéa in leca,
el jera fat de legno de spin,
quando coi conpagni el rivéa a ’na beca;
a baeon el paréa un robotin
da l’andatura a scatti, dura e seca.
De cazzi e cazzetti, el Conte, e cazzoni
ghe inpenìa el quadernon de bèa;
se te ghe domanda parché’l ghe ’o féa
Zan’ dise che’l jera ronpicojoni,
e in prima el véa na prosa che paréa
(tranne par Rizzo) quea de Manzoni!
|