2 marzo 2008

355/125 - s. 248/121°
Nonno Gallo
 
Ogni volta che se parléa in sordina
el savéa senpre tut, paréa 
na pagina pì del libro, e quéa 
jera ’a so quaità sopraffina:

ma dopo i conpiti o na manfrina
de interogazion comica so ’a stéa
vegnéa fora che del libro manchéa 
’e pagine prima e anca ’a copertina.

Do ani el véa pers pâ pitona
prima che in terza se ’o ciapesse ’ndando 
e co noialtri, col so far, ’l é restà

fin â fine, senpre un fiantin pì grando,
un fià pì furbo (o un fià pì ....)
ma comunque senpre un fiantin p’in là.