2 marzo 2008
356/126 - s. 249/122°
Colella nei Mari del Sud
El jera par tute el pì bel de tuti:
forte a baeón e anca bravo a scuòea,
pa ’ndar ben no’l studiéa che do minuti...
Cossa succede? Che in terza el ghe’a mòea
e in quarta, pai giudizi farabuti
che a lu e Ciuz Bubba gh’à mess in tòea
ai scrutini el Varagnol li fa bruti:
scienze a settembre e da’a classe ’i se scòea:
’i ripara a Porto, ’a quinta a Treviso;
infin ’te i Mari del Sud sparìo
co ’e carte de credito de ’a morosa
Roby s’ha inventà un destin: là ’l é drio
magnar manghi e ciapar el sol in viso
cö in parte l’ennesima bea tosa.
|