2 agosto 2013
494/210° in dialetto - sonetto 353/203°
Sonetto rubato
’A passion mia jera pissar so ’e àgave
parché ’e me sbuséa tuti i baeoni:
par quant attenti ’a distrazion pì vaga
ne ciavéa el baeon che ndéa spuncioni.
E pissa ancuo pissa doman, paga
’a vendetta jera veda i poeoni
s-gionfarse, e me nona che li raga,
senza mai capir i rimedi boni.
Po ho conossù col nome da fior
na tosa che ’a me fa canbiar passion,
’a me ciapa el zervel... e smonta el cuor
andando co un bociazza fassiston.
Adess ’a żente vede dae garite
un pisson che pissa so ’e margarite...
|