20 giugno 2010

456/190 - sonetto 324/184° Quod non fecèrunt barbari Barbareschi che se fa maraveja dei poréti che a zinquant’ani ciapa domìe euri al mese e no ’i se sveja come lu che adess vive da papa - domìe ’i basta a mantegner fameja co ’a so dignità, - pien de sgnapa se lamenta de un paese in paveja e degradà culturalmente: ’a rapa, no se rende gnanca conto, co ’a zheja opaca, che l’Italia ’a é cussì fiapa par quei come de lu, che ’a greja baucarìa forzista ha montà in capa. Mandéo a lavorar duro co na zhapa, no ’l se farà pì tanta maraveja.