22 luglio 2010

457/191 - sonetto 325/185° Pari opportunità Te dise che ’a é là sol parché ’a é bèa? E ’a legge sul stalking? Ea davero l’ha fata e no de certo par éa ma par quei che ’l amor lo vede nero e no sa dir «Mi vae pâ me stradèa...» ’A varae poést finir pa’ intiero e ciamarla “persecuzion buèa” visto che ’a parla un italian altero. Mo ’a finanzia ’a stampa de ’a rivista de San Francesco pai ciechi ma guai a chi l’accusa de sprechi parché, sempre par quei che ha pers ’a vista, in braille patinà de grandi ciari ’a é drio ristampar i calendari.