29 luglio 2010

458/192 - sonetto 326/186° Marza e gaja Qua a scoltar un’oca marza e gaja parona de ’a fabbrica de so pare cressùa esperta e co ’e precise tare dei evasori e dei tipi da spiaja, che senza ver fat ’a necessaria naja sui libri ’a dise: «Si può calcolare dal denaro che uno riesce a fare il suo successo...» Certo no ’a se sbaja e par ver i precisi connotati de cossa che pensa ’l Signor dei schèi (san Francesco jera un poretan che parléa ai lupi e ai osèi, e Dante ’na jena co ’a pena in man) basta veda a chi che Lu ghe’à dati.