10 ottobre 2009

436/180a - sonetto 311/174° Più bella che... Se ’i lo provoca el perde ’a trebisonda e da Vespa – el gran servo del Tukul che pontifica anziché ’ndarse sconda – davanti a’a Rosy che lo fa mul de rason no ’l é bon de risponda, el tira fora ’a batùa che a lu, notorio Paride, ghe par ’a fionda degna de un Davide nassù a Kabul: «Lei è più bella che intelligente!» Ea, da persona par ben, de sass allibisse, pì bona de dir gnente, ’a dise che no ’a fa parte del fass d’oche a disposizion del “presidente”... Ma dighe che ’l é pì mona che bass!