10 settembre 2009

435/179a - sonetto 310/173° In comune Pecorella, difensor d’un dei killer del prete-corajo Don Pino Diana, Paniz, che da un fià de tempo rintana ’a faccia da drogà de Monabomber, Taormina, che se diverte a poker in casa de ’a Franzoni, mare strana, e Ghedini, che parfin co ’a putana el vol Berlusconi salvar in corner “mero utilizzatore so ’a so tana”: coss’ha’i in comune inte sta lista triste de ligi servitori de ’a panzana? ’I é avocati, certo, ma n’altra esiste verità che spiega: de ’a stessa ciste in Parlamento ’i divide ’a pastrana.