9 settembre 2006
142, s. 65/11°
Intellett-uale
Gus me definisse “INTELLETTUALE”
parché parle (e tase) da professor,
compone, ogni tant fae un murale,
dae giudizi al mondo col compressor,
descrive co na foga maniacale
libri che no leże de gran spessor.
’L elogio, tut altro che eccezionale,
me provoca in realtà un rossor
perché ’l ha un motivo un fià pì profondo
e no ’l ha a che far col me INTELLETT
ma col fato, senza girarghe in tondo,
che tant de quel che cave sul mondo
no lo tire da giornai o internèt:
lo pense stando destirà INT’EL LET.
|