11 marzo 2007
CCLI/76 - s. 166/74°
Ho vist Ciuz
Ho vist Ciuz a un angoeo de strada
con un tosatel biondo ciapà par man
vestìo de un strano abito neodada
forse in maschera da guerrier marzian
ma el me paréa intrigà a tegnerlo a bada
tant’é vero che’l ripetéa «Pian,
sta bon, e meti in fodero chea spada
che sinò te me combina un maean»
Proprio in quea che passe darente, sora
a testa del putin el me scanocia,
cioè el me fa un segno deciso, bonora
e co son a distanza de na pocia
«Atu un euro?» el me fa… «Ciuz, ancora?!»
«Te sa, par comprarghe ’a marenda al bocia…»
|