1 marzo 2008

349/119 - s. 242/115°
El Conte
 
“Conte” per sangue e diritto, alt un fass
co un fià de blanda spocchia int’e mudande
che  ghe rivéa dai soldi in materass
e da l’essar paron de zento lande,

a smontar del centauro in sorpass
l’imagine ancora el ricordo spande
de ’a prima volta che’i lo ha interogà:
“Publio Virgilio Maron nacque ad Andes,

l’odierna Pietole, vicino a Mantova,
nel 79…”: e tut un canto 
proprio come sul libro, a memoria,

pronuncià co l’accento senza boria
de chi coi professori jera santo
de n’altra voseta e de n’altra storia.