4 dicembre 2007

Gus
 
Gus che tut riduse a barżeéta,
a żiogo, a batùa dissacrante,
che pur essendo tra i vèci a nesséta
fa mostra de vérghene vist tante,

par verse ridot a na strazeta
dopo na storia d’amor lancinante
’l ha inparà che basta e bisogna meta
’l inpegno so ’a roba manco importante:

’l ha deciso che pì no’l se inamora
e se lo fa, lo fa sol che de scont
senza mai farlo veda par de fora;

pitost el preferisse far el tont
pa’ poder rida e viva e rida ancora
e butar ’l amor co j’intrighi in mont.