No ’l vae via gobo

Vicesindaco! No ’l vae via gobo, 
el stae, el stae co ’a schiena dréta
no ’l epie tuta sta finzion de frèta
de senbrar attivo e un omo probo,

saven come che li é quei del so globo
che se tira ’a cravata streta stréta
che ’l sangue a rivar al zervel pó spèta 
prima de irrorar el secondo lobo...

El stae: ghe dise davanti a tuti 
che quei del so partito zo a Roma 
’i é mànega de ladri e farabuti

che par salvarse na faccia de goma
i vota credendose i pì astuti
e ’i é na maeatìa; un sarcoma.