Fiera del Rosario

Sparìi ormai par sempre lèbi e grépie,
’n altro venditor de jeans soto ’a tenda
spiega al amigo: «Bisogna che t’èpie
’a merce pa’ lavorar, e par venda

bisogna che te lavore: ’l é, Bepi,
tut un giro...» menando ’e man pa’ renda...
Tasi ch’é restà bovoéti e sepie
e piade pa’ far un fià de marenda…

«Gino! Varda Gino, varda che bèa,
vutu che te ’a compre ’na maja a quadri
come quea là so che’a bancarèa?

St’ano ’nda#380;à de moda ’e maje a quadri...»
«Ghe n’ho &zà dusento el resto monèa
de maje de tute ’e sort, anca a quadri!»