12 marzo 2008
362/132 - s. 255/128
El pallavolista da’a vista fioca
Becà da Carmelo co ’a pasta in boca
ma bon de tirar fora sul momento
na scusa manco vera che farloca,
mimo, pantomimo e divertimento,
el pallavolista da’a vista fioca,
riussìa a tirar ’a Sorte al zimento
che par saccagnar qualcun senpre ’a inbroca
quei co l’aria de finto straniamento;
e lu trasfiguréa i momenti tròzzi
segnando ’a nube de ’a sfiga in pianta
bea drita sora ’a testa da Fantozzi;
quando ’l é vegnù fora col zinquanta
’l é sta quel par tuti un dei abozi
risarcitori de ’a so vita “santa”.
|