12 marzo 2008

363/133 - s. 256/129°
Suor Giovanna 
 
Mi, a dir a verità, l’avaràe
fermada anca in prima, ma i professori
’i é pazienti e no ’i te fa carognàe
se te prova a far quel che dise lori…

Dopo na longa serie de stuàe
che g’ha procurà disagi e doeori
ma no g’ha impedìo de dir monae,
finalmente in terza ’i g’ha dita “Cori!”

Gressini, ’a Buzzanca e chealtri drìo
co un atto giusto ’i l’ha cavada fora:
ea, par dimostrarghe de ver capìo

che ndar ben a scuoea no tut indora
’a s’ha spiegà direttamente a Dio
e dopo do ani ’a s’ha fat suora.