12 marzo 2008

361/131 - s. 254/127°
Eleonora, fon che te baso
 
Sincera, allegra, bona come el pan
e perciò bistrattada dai gressini,
bëa morbida, da strucar coe man,
co do àvari grossi “da ........”

come diséa volgare el zapaian
de n’altri, che forse do pensierini
el ghe véa fat osceni. Ma ogni fan 
s’ha vist anticipà dal ross Borcini

che a metà del liceo l’ha messa a bada
e ogni pensier su de éa l’ha storno:
chissà, la vén suìto vista sposada

co tre bèi tosatèi tut torno
un tòc prima che rivesse el giorno,
anzi no, de saverla laureada.