30 novembre 2006

189 - s. 110/41°
’A scienza dopo ’a cava quel che ’a dà
 
’A pillola un dì véa eliminà 
gravidanze no vossùe e paura,
mentre ’a lavadora un fià véa cavà
’a fadiga... Ma poiché gnent dura,

’a scienza dopo ’a cava quel che ’a dà
e se una incinta jera sicura
che ’l mariò  no varae ’a paternità
mai mess in dubio, adess ogni futura

cazzada el DNA rimete in żiogo 
e par sempre risulta scanceà
’l uso indiscriminà de ’a santa f...

Magari un giorno convegnarà el dogo 
del lavar a man e se tornarà, 
pensa!, a preferir ’a vecia fadiga...