7 luglio 2007

296/97 - s. 204/95°

Toky e l’Ale
 
Prima ancora de tacar  lavorar
’i véa zà na casa de zento e roti
metri quadri. L’Ale vea fat portar
el Steinway in un dei do saeoti,

quel de rappresentanza (e no par
rida), che véa in tèra i stessi còti
de ’a cusinona, pì granda de un bar...
Ma par no star là a far massa moti  

su come che ’a vita tuta dei siori 
sie sempre sol che na specie de assaggio
dirò che in tut el bagno de Ginori

di fronte a ’na gran doccia idromassaggio 
’i véa na Jacuzzi co zento fòri...
E so che l’invidia no é del saggio.