Tipografi

Tipico dei tipografi é farte
un preventivo vago, no capir
cossa che te vol, illustrarte ’e carte 
che lori à stampà pa’l Gran Visir

e in corso d’opera tentar ciavarte:
questo se val par l’ENNE - é da dir -
de pì pa’l quasi marochin de ’a PASSART
che ’l tira el moea el moea e ancora el tir

e no ’l vede che lu ’l é sol che “PASS”
ché l’ART de impaginar no ’l sa gnanca
dove che ’a sta, a veda in pART el fass

de bozze sbajae e ’a faccia stanca
del compostor da l’estro cussì bass
che ha pì arte ’na pagina bianca.