15 giugno 2007

Primario d’un bel reparto, Cazzanti
’l ha i pensieri grandi che’l se fa lu
che’l vive de l’adulazion de quanti
lo circonda: Bravo, bon, bèl... di più!

Co’e assistenti fighe: «Venga avanti
nel mio studio che la aggiorno, su...»,
forte coi miseri, smolfo davanti
ai potenti che se permette el tu

(«Ma questo è il padre di..?» «Dell’avvocato...» 
«Allora tenianlo da noi un poco
ancora, ben assistito e curato»),

’l ha na faccia disgustosa e da un toc
no se riesse a decidar, ’l é un fato,
se ’l sie sol che stronzö o anca cioc.

Se ti si un che conta el te trata ben,
se ti si un poro can te si na merda,
gnanca no’l te varda in faccia, disen,
parché co ti no ’l ha tenpo da perda...

Un giorno un maeà col fegato pien
de tumori, ’a faccia trista verda,
lo ciama: «Dotor, dotor... cossa vén?»
Gnanca lo bada. Ciama un avvocazzo1  

«È mio cugino! Lo lasci soletto?»
«Oooh, me n’occupo io...». Che tragedia! 
El va in stanza: «Perché non me l’ha detto?

Venga che la visito» e là el rimedia,
lo porta suìto in te’l so gabinetto
el ghe leca el cul pur sentà so ’a sedia...



nota 1 - Avvocazzo fa comunque rima con …erda