Re Mida al contrarioEntrà in t’el mondo dee teevision lo ha trasformà in t’un bar infèt de ciacoe insulse e confusion dove ha pì spazio chi é pì stupidet. ’L é entrà in t’el mondo del baeon e lo ha trasformà in t’un brodo ristret par siori: adess ’a Copa Campioni la fa pur chi che no vinze el scudet. ’L é entrà in poitica col elicottero par salvar un mondo d’afari vario, el ghe n’ha fat de crude e de cotte e ’l ha trasformada int’un tafanario de zhìngani, servi e troie stracotte: de lu, corrotto Re Mida al contrario. |