16 ottobre 2007
324/107, s. 221/104°
Porsche
El smonta da’ Porsche tut lecà
’a scarpeta elegante, neta e scura,
’a braghessa streta in fondo, de pura
lana, cravata e trench inamidài
El varda se qualchedun lo ha notà
serar ’a portiera, l’azion sicura,
e controeando co ’a massima cura
el caretin de ’a so feicità
co ’a man in scarsèa el fa scatar
’a sicura, intanto che vanti el varda
se qualchedun lo nota dal bar.
Quindi el rivarda ’a Porsche e ancora el varda
se ’a zente intorno adess lo varda ’ndar
e sodisfato el va... co l’aria tarda.
|
