11 maggio 2007
Me mare
Me mare ha quatro fioi e tuta ’a vita
no ’a ghe n’à scoltà che uno, el coco
del nono, l’unico (ma no lo ha dita!),
che l’incanta anca quando che’l sa pòc.
Sempre quel che lori ha fat ’a cita
e inveze “intellettual” val “broco”
perciò no ghe vien mai da star sita
se no ’a capisse o ’a ghe riva dopo un tòc…
E ben, un dei quatro fioi, el terzo,
el ghe vegnù fora intellettuàe
e mi l’ho sentìa dir ’na volta, giuro,
no so se a metà o a fine de un scherzo
(d’un sogno) che «beh, recion no uguàe
ma da soportar sarìe stà pì duro!»
|