11 gennaio 2009

410/161, sonetto 290/156 Maria Stella Gelmini I grandi personaggi de ’a cultura no ’i é sempre boni e bravi ministri de l’Istruzion, specie se poc ’i dura. Ven vu Gentile e in tempi de sinistri un linguista de reputazion pura; pur Fioroni capìa de registri quando el tentéa desperà na cura pa’ D’Onofrio e pa’a Moratti, ministri par modo de dir; ma’l misero fondo lo ven tocà dess co ’a putina fida contenta de trovarse in zima al mondo e quel che ’i ghe scrive soto “l’egìda” de Giulio ’a leże e no ’a se rende conto che quel no ’l é ’l so posto e ’a fa da rida.