28 ottobre 2017
544/233^ s. 387/221°
L’estetista
El mistier ’l é canbià: e co’e cerete
el s’à fat – senpre de pì – preciso:
na volta bastéa i baffi ae siorete
par restituirghe un fià de soriso
e ridurgh’e foreste a strisse strete;
e al mas-cio simiot, se Narciso,
cavarghe un fià de pei dae spaéte
e’l brut monociglio in mezzo al viso.
Col tenpo ’e richieste de tut el coro
l’é ’umentàe: fémene deicate,
stret el pube, le vol ’a pèe d’oro:
«Neta ’a mona, e nete anca ’e cueate...»
Sen rivai al punto chë el lavoro
d’estetista ’l é quel del péapatate.
|