15 giugno 2007

287/91 - s. 195/89° in dialetto
Giudizi
 
Dopo un pochi de ani che ’l insegna
el professor deventa bravo a scriva
giudizi asettici che no impegna
nissun e che soprattutto ghe schiva

ogni ricorso: in te i giudizi regna
un clima d’incertezza che non se riva
a capir se ’l bocia, figura degna,
lavorando posse deventar viva

o se’l sie senza requie un bocia pirla.
Co me vien sinonimi de “cretino”
i me ’a fa cambiar prima de spedirla:

«No te pol dir che’l bocia ’l é cretino!»
«Ma ’l é vero, parché no posse dirla?»
«Parché forse anca el pare ’l é cretino...»