El teatro dei Polioni

No val gnente tute ’e to bèe carte:
in città, teatralmente parlando,
vutu far? Métete da so parte
parché el bel e ’l brut tempo (nefando!)

lo decide lori  che ’i “vede” l’arte
e dentro el so carteón, anca quando 
no ’i c’entra, ’i se mete quasi par farte
dispèt; pitost ’i ciama un da fora, stando

attenti che ’l ghe ricambie el favor.
Cussì se dà da far senza fadiga
pa’l teatro el genio del assessor:

el fa sceglia lori, el se desbriga 
dei fastidi, el se mete in pase el cuor.
E intant lori tira vanti a biga...