1 dicembre 2008
397/154 - sonetto 282/149°
Do tre tori porzèi
E sì che ’a vea pagà un fià de schei,
60 euri de visita medica,
par trovarse tre dotori porzei
che ’i la fa spojar so ’a panca ortopedica
e ’i resta drento tuti e tre, ma bèi,
anca se uno sol a éa se dedica;
el vecio sora el schermo varda i nei,
el terzo co andatura bustrofedica
va in giro come quel che ghe seca
perda ’a vision dee tete soto sforzo,
no li ha gnent da far i do paraltro
ma ’i offre l’ocio clinico de rinforzo;
finché éa se stufa e quindi ’a ghe inpreca:
«Ma ha da vegner dentro qualcun altro?»
|