2 marzo 2010

451/186 - sonetto 320/180° Come un Cristo, mejo de Cristo Osannà da milioni de cristiani, ’l on dei miràcoi ’l é riussìo a far muti ’i avversari e salvar i so maeani - al posto de San Piero é Bonajuti - ai fedeli che ’i vol che ’l fae, par ani, lu fa veda che no ’l perde minuti. A scoltarlo predicar va i ruffiani, lo segue comici, bauchi e astuti, lu ama el mondo intiero (’e gnoche pì de’e savie e i fascisti pì de tuti), intorno che gira e ghe sta boche verte, domìe ladroni maeai pai schei: lu li tirarà su suti; co ’e so leggi tanti li ha żà salvài.