17 aprile 2009

424/171 - sonetto 301/166
Che veci!
 
«Cussì vecio, da distante, e i cavéi 
bianchi (li ho quasi neri), no te vée
gnanca riconossù… e po co chei
baffi te par proprio un òn»… E lo vée

svejà mi so ’a panchina, restà dei
secondi in dubio parché co ’e cavée
grigie (’e jera bionde)  e i solchi inte’i 
oci el jera pì vizin a quel che ricordée

so pare che al Picchio de prima man
che studiéa a memoria Roma e i Greci.
Eh sì: i amighi rivisti da un ano 

a chealtro ’i é el monito e i speci 
pì tremendi de quel che vén ’t’el vano
scàe che ogni dì deventen pì vèci.