Caffè letterarioSt’Amministrazion s’ha impenìo ’a boca del Caffè Letterario co par sora ’a so bea cùpoea, ma ben poca te ghe ne vede de cultura ancora, sì e no qualche bociazza un fià zoca là a bévarse spritz a ogni ora e quel dee zinque guai se te ghe ’o toca (li paga so pare, ché lu no lavora!) Fiòi distanti anni luce da l’arte, che de leterario ’i ha sol che ’l sént1; i poràe anca ż:iogar a carte tant estranea ai libri ’a é chea żent che te torna fin ovvio domandarte: «Ma mi chi cakkio òjo qua darent?» 1 – Sént = seggiola |