25 aprile 2008

CCCLXXVI/140 - sonetto 265 (monco)/134 Brunetta Eh sì, purtroppo é vero: pì ’i é pìcoi pì ’i é rompibae: par far rimedio a’ so statura (li susta i menìcoi che toca par tera) i punta al assedio; soto el brazz ’i gira sempre col plico dee carte, ’i alza ’a vose, a volte el medio e gnanca ’i s’accorze che ’i é ridìcoi quando ’i fa i stufi, vittime del tedio. ’L é tant nessa Brunetta de fianco che par far un sonetin su de lu me bastarà na terzina de manco.