31 gennaio 2007

233/65 sonetto 150/63
Bon
 
Bon col so computer ’l é ’na roba sóea
e un se sinte in colpa co ghe’o cava:
lu là co tuti i so listati el vóea
sora chiometri de linguaggio Java:

co ghe vien oggetti in forma de bóea
che cambia coeor, no dise che ’a bava
ghe cóea ma quasi el gode là sora ’a toea,
come ’na conquista… e chi se ne cia…

Però el conserva ’a so autoironia,
ven notà mi e a Cecilia quando
che’altro giorno se jera soravia 

davanti al “so” computer, là de bando,
e ’l è rivà ’fa na scheja impazzia
disendo: «Sento che mi sta chiamando…»