6 maggio 2009

427/173 sonetto 303/167
Berlin... Chi? Ieri?
 
’L ha sempre paura de farse notar 
e cussì el te parla pian, sotovose, 
el te bisbiglia de qualsiasi afar
che forse ’l é ’l so fascino coe tose

ma sto sordo mugoear come’l mar
da decifrar ’l é par mi fa na crose
e gnente che me ferme a lo scoltar
dei decibel el me riduse ’a dose

che pa’ capirlo dopo anca me toca 
sbassarme, cuciarme, voltarme indrìo
tacarghe ’a recia fin davanti a boca

col discorso che se fa indefinìo 
perché da vizin la tara pì fioca:
Cossa? chi? eh? dove? No l’ho capìo…