20 novembre 2006

Avverbi
 
Pa’ essar na insegnante d’italian
t’ha’l vizio na s-ciantina indisponente
de abusar dei avverbi a piene man:
uno, in specie, “fondamentalmente”

te ’o usa anca dove no’l dise tant
(massa robe no ’e riva ae fondamente!)
e żŕ risulta el discorso pacchian 
che ti te ghe żonta un ‘praticamente’

dove de pratico, lo disen pian,
é pochet, ‘praticamente’ gnente, 
e usarlo fa da rida anca el can…

mi te preghe col cuor ‘sinceramente’ 
cava un avverbio ancuo e un doman:
ghe guadagna el discorso, ‘veramente’…