25 ottobre 2014

512/215°

’Assa

peta mia che te me piase massa tosa bea che tra un mese ’a te passa, farfaeta che fra un fià te me ’assa, sarà el doeor che pagarò ’a tassa par ’verte vù e ’verte vist nassa: mi spere che ’a sie bastanza bassa, e che i to tiri aliegri da “vajassa” no ’i me devente n’altra storta cassa de storie sora ’e spae che me rassa ’a pèe... Par fortuna ho ’na bea fassa inte’l cuor che tut’e ilusion desgrassa.