5 marzo 2007

Appuntamento col Destin
 
«Inveze de fermarse a dormir fora, 
che ’i ghe ’o vea propost, ’l ha voest
tornar casa pa’ veda ’a so pora
toseta, ae tre no jera buio pest…»

«Coréo?» «A centosessanta l’ora, 
ha stabiìo ’a scientifica coi so test,
so ’a strada de casa dove a chel’ora
no passa gnanca un can forest...

Ma chea notte traversa un caretin 
senza luci... dime ti se no’l véa 
un appuntamento col Destìn... »

Certo che lo véa, e s’el coréa  
cussì tant vol dir ch’el meschin
véa deciso de ’ndarghe in motorèa...