19 maggio 2013

491/208° - sonetto 351/201° in dialetto ’A spiegazion (tut se spiega) Cossa véo scritt in faccia che ’l me ’o rendéa estraneo, estraneo a l’inteigenza... L’aroganza, forse, o na suponenza che non ghe permetéa de alzar el véo su de un sopruso antico... Cossa stéo a far dentro el so ufficio senza essar bon de risolva na sentenza incancarìa, scont drìo un déo... D’inproviso ’a riveazion dentro ’a cassetta de ’a posta: el cartonzin de carta bona dei candidati PL saetta lu, tra ’e facce da furbi de ’a pitona coi ociai che par che ’i cante “faccetta nera”, sul so bel facion da mona.