’A carica dei SUVini

Sarà l’invidia de mi che son senza,
come che dise lori, ma i Fuoristrada
’i é un vero insulto a l’inteigenza:
co ’i te passa davanti ’i fa paeada,
 
in parchegio te toca sempre strenza
parché ’i te ocupa mezza intrada
’i consuma par do (’a convenienza!),
i t’invade el marciapìe  e pâ strada 

ricordete che se ’i te vien doss
lori ha poc, quasi gnente da perda
ma ti minimo te finisse in foss;

al voeante ’i ha na bea faccia stronza
co l’aria baucòta e piena de .....
ma’l statussimbol ghe fa el cuor de bronzha.