12 aprile 2009

420/168 - sonetto 298/163 ’A mureta de ’a rotonda de Musseta ’A sarà na maedizion o forse ’l ideator de ’a rotonda de Musseta no ’l ha calcoeà ’e stupide corse de’e macchine so che’a strada streta e dei paroni mai boni de ciorse el tempo che serve pa’a manovreta: succede de matina quando ’e borse dei oci riva da soe a’ mureta e succede de vénare o de sabo quando dai antri vien fora pa’a guera ’e sìmie tut el dì serae int’el gabo che core a divertirse, se spera, e dopo ’e se trova ’a mura par cabo e le é costrete a butarla in tera.