BASTA CO STE CADENE

Messaggio mandato da un anonimo in risposta
a tutte le catene di Sant’Antonio ricevute.

Gavì da piantarla de mandarme cadene del porco ... e simili, tipo che el mondo ’l é belo ma solo se rispedisso tuto subito, se no son sfigà, come el negro de l’Alabama che no ’l à risposto a quatromiesinquesento imeil e no ’l à fato in tempo a dir “A” che ’l era xa col vestito de legno (tradotto: morto e stramorto), o el cauboi John, tessano, che ghe cascà i maroni parché no’l ga risposto etc etc.

Par no parlar de quei che me manda imeil dixendome che sicome ghe xe un provaider (fatalità american) che par ogni imeil che ghe riva el dà un centesimo in beneficensa ala lota contro la peste scaveona, alora bisogna mandarghene a seci... me gà rotto i cojoni!

O staltro che el gà na fiola co na malatia rarisima che nissuni sa cosa l’é (sto qua el sta in missuri), che el te dà anca el numero de telefonin parché te ghe telefoni ti (crédeghe!) a darghe notissie su le cure possibili (che po se te guardi le date te scopriressi che è passà almanco tre ani da che l’é partia la cadena quindi tanti auguri...). A mi te me vien a dimandar robe mediche, che stao in frassion de isoa dela scala e son gnanca bon de tacarme un ceroto?

Po quei che me dise che ghe xe el virus dela posta eletronica che se non te ste atento te lo ciapi anca ti e ’l è pèxo che andar co na nigeriana (e saven tuti a cossa se va incontro...), alora te ghè da riempir tuti de imeil ecc ecc...

Quei po... che me manda la fotocopia del centro antitumori de Aviano dove i sensiati te dise che i ovi condii i fa vegner el cancro a l’useo... e che farse un sciampo ’l é peso de fumarse tre steche de MS sensa filtro.

Ancora quei contro i giaponesi, che secondo lori i metaria i gati nele butiglie, co l’urlo de bataglia “impenìmoghe el sito!”...

Par non desmentegarme de chi me manda scrito che ghe quei dela Erisson che i dà via i telefonini come i fusse bagigi e adiritura che lori i la proa e funsiona (!?!): basta “inviar el mesagio a tuti quei che te conossi” e te si a posto: tempo do setimane e riva el sior Erisson, Mario J.J. Erisson in persona, aministratore delegato dela dita omonima o anonima, non me ricordo coma se dise, il cuale sa tute le meil che te mandi, e te porta sul porton de casa el scartosso col telefonin ultima generasion col Trial Band el giprrs e custodia de pitone ancora che se move...

A sto punto feme un piaser: mandime foto porno, film porno, barzelete e putanade varie ma BASTA CO STE CADENE! Che n’altro po verzo na feramenta e taco a vendarle.

Con la speranza che sta meil no la rive in luisiana a una che l’é drio farse i cassi soi...