643/272a - s. 466/256° in dialetto
Zentovintidó
Certi figuri, essenza del gnente,
li é senpre in lista, beoti e captivi,
prigionieri de na vision demente
che no li fa essar granché incisivi.
Lori se pensa pì bravi, oviamente,
ma da na elezion a cheltra, scrivi,
ghe toca trovar un logo decente
che no fae riferimento ai aggettivi
del re de ’a fuffa, el mat vero
che’l g’ha inpenìo ’a testa de monàe,
come a tuti i furbi cascài dal pero.
’A so massima aspirazion culturàe
la é na foto co in parte Del Piero
e ’l esordio in Consiglio comunàe.
|
