7 maggio 2004
Vae farme un sonét
“Mi fae un sonét, no vui sentir ’na mosca!”
ordinéa me pare, gratando i fondi
del caffè. Me mare: “Vara che’l te osca...1”
ża vedendome sul maean,“via, scondi!”
Lu dal lèt el s’alzéa co l’aria fosca,
’a vose cativa, da altri mondi...
e co ’a man verta, ultimo el disbosca
pa’ ’a sera un suplizio dei pì tondi.
Passai un milion de giorni senza senso,
rivai i pensieri de quel che poée
e no ho fat, quando me sinte un porét
che ha dat ai desideri un spago immenso,
toe ’na pena, un foglio mat2, do idee
e anca mi, astioso, me fae un sonét.
1 el te osca: ti unge, ti dà le busse
2 foglio mat: un foglio di brutta,
già scritto da una parte
|