14 giugno 2018
559/242a – s. 402/230° in dialetto
Travaglio
Pai cari francesi ’l é el lavoro,
par quee incinte che partorisse
’a gran fadiga prima del tesoro,
pa i poeti che no se insemenisse
coi discorsi del sòito coro
’l é el continuo scriva e tirar strisse
e rifar da capo el traforo
de bei canti so tre idee fisse.
E par mi? Par mi ’l é ’l poro poret
ch’un tempo jera el preciso campion
dee denunce a chi no righéa dret
e dopo ’l à subìo ’a traformazion
al indrìo de deventar el pitusset
che ripete ’a stessa insulsa version.
|