10 novembre 2019

c. 579/252^  – sonetto 417/239° in dialetto
Spuma
Ma ve ’a ricordéo valtri ’a spuma
’a bibita dolze che savéa da caramel
che fea sul coét del bicier na schiuma
garanzia che’l prodoto jera quel…

Basta ’a paròea e i ricordi s’ingruma,
torna in boca el bianco del tosatel
el spumante dei poreti che ruma 
’nt’i pensieri quel che paréa bel

na sort de piazer de vita che sfuma
da oratòri e canpi de pevarel;
e ancora dess basta un bicier de spuma

par sentirme żóvane, se no bel,
che me scanpa un “tosati, vavavumaaaaa!
dai, forza, el bauc in meżo al torel!”