22 maggio 2019

572/250^ s. 411/237° in dialetto
Secondi tronfi
 
Do pinpinoti cavài su dai fondi,
do presuntuosi pieni de magagne…
I se lamenta de essar rivai secondi, 
’a M’Annoia e Penultimo, do lagne,

che i mediocri “ha votà co voti tondi
’e so canzon”... stronze, sempre compagne,
che mostra tristezze de tristi mondi,
solfe che par che ancora li sacagne…

Tasi che ’a giuria, co un fià de sest, 
g’ha preferìo Mahmoud e Gabbani
do che i canta davero bee canzon

che te fa pensar co t’ha ridest
e che te vegnarà da scoltar par ani,
altro che ’a grillina e el tatuaton.