29 ottobre 2007

326/109, s. 222/105°
Referendum de Cortina
 
Confesse che no m’à mäi piasest
Cortina, co ’a so aria da sioreta
cagoneta che crede de ver sest
parché firmada stivai e borseta

Cortina – ricca perla del Nord-Est -
vacanza in ambizion de ’a smorfioseta
e del mandoeon peiccià che’l test
dimostra che ’a cultura ghe va streta...

Se na giustizia vesse el referendum
casinaro pa ndar via da na region
avara, confesso che me despiase

che no esiste el controreferendum
pa’ caear sul paese fanfaron
l’ostracismo che riportarae ’a pase.