Poro Fusil, eh sì, poro Fusil

Poro  Fusil, eh sì, poro Fusil,
da ani senza assessor a' cultura
ma co un assessorato da paura
che costa tant pì del fil (sutil)

de iniziative in canpo, un badil
de ciàcoe, de retorica, na stura
de gnent... a partir da chea frescura
de ino che esalta el canpanil

cantà da’a mare de Felice Maniero, 
e ’l stema disegnà da un picenin
che del tut gnent va tut fiero...

Manca ’a tabèa in mezo a’ rotonda
al ingresso col lion de Furcoin.
No vede ora, sì... che ’i se vae sconda.